Complete Songs Of Robert Burns - online book

Share page


	I'll. LOVE : HUMOROUS 151
	I'll count my health my greatest wealth Sae lang as I'll enjoy it: I'll fear nae scant, I'll bode nae want As lang's I get employment. But far off fowls hae feathers fair, And ay until ye try them, Tho' they seem fair, still have a care— They may prove as bad as I am ! But at twel at night, when the moon shines bright, My dear, I'll come and see thee, For the man that loves his mistress weel, Nae travel makes him weary.
	No. 169. The taylor fell thro the bed. Tune : Iredeye beware o¹ the ripellsyoung man. Scots M. M., 1790, No. 212.



	The taylor fell thro' the bed, thimble an' a', The taylor fell thro' the bed, thimble, an' a', The blankets were thin, and the sheets they were sma',— The taylor fell thro' the bed, thimble an' a'! The sleepy bit lassie, she dreaded nae ill, The sleepy bit lassie, she dreaded nae ill; The weather was cauld, and the lassie lay still; She thought that a taylor could do her nae ill! Gie me the groat again, cannie young man ! Gie me the groat again, cannie young man ! The day it is short, and the night it is lang— The dearest siller that ever I wan ! There's somebody weary wi' lying her lane, There 's somebody weary wi' lying her lane, There 's some that are dowie, I trow wad be fain To see the bit taylor come skippin again.